Oppdatert 20.4.2018

IL Skarphedin inviterer til rulleskisprint (fristil) i Bø i Telemark, laurdag 30. juni. Arrangementet er ein del av Sommarland skifestival.

Prolog og finalar

Prolog og finaleheat går i same løype i Bøgata og Stasjonsvegen. Prologen vil bli gjennomført puljevis pga. trafikkavvikling i Bø sentrum.

Startlistene i prologen blir sortert etter FIS-poeng der dei raskaste løparane startar fyrst. Landslagsløparar vil vere kvalifisert til kvartfinalane utan å gå prologen.

Finaleoppsettet vil følgje skiforbundet sin modell for sprintrenn, men ingen løparar går vidare som «lucky loosers». Arrangøren deler i staden ut to «wildcards» til semifinalane og finalen.

Oppslagstavla ved start vil vise resultat etter prologen og deltakarane i dei ulike finaleheata.

Startnummer, og brikke og rulleski

Løparane må hente startnummer og tidtakarbrikke i start- og målområdet før prologen. Alle løparar går på låneski frå Swenor. Utlån av ski skjer også i start- og målområdet.

Premiering

Dei tre beste løparane får premie på Bø torg ved kommunehuset etter finalane.

Offisielle resultatlister

Resultatlistene vert lagt ut på www.sommarlandskifestival.no/sommarlandsprinten etter rennet.

Parkering

Gratis parkering i Bø sentrum og ved Gullbring Kulturanlegg.

Garderobar

Løparar som ikkje overnattar i Bø denne helga, kan nytte garderobar i Gullbring Kulturanlegg.

Teknisk delegert (TD)

Lars Roe, Heddal IL, er TD for Sommarlandsprinten 2018.

Arrangør

Langrennsgruppa i IL Skarphedin arrangerer både sommarskiskule og Sommarlandsprinten.

Rennleiar:  Terje Wold. E-post:  terje53 (at) outlook.com
Ass. rennleiar: Christian Dahl. E-post: christian.dahl (at) bo.kommune.no